Tríptico dos cegos / Ángeles Tilve
11 11 people viewed this event.
Esta pintura constitúe a parte central e de maior tamaño do monumental tríptico creado por Castelao para o Gran Hotel Balneario de Mondariz. Os tres óleos, o que nos ocupa e os dous laterais, titulados Cego e guía e Cegos, pertencen á Real Academia Galega, á que chegaron en 1964 en depósito de Augas de Mondariz e Hijos de Peinador S.A., empresa que en 1973 efectuou a súa doazón definitiva. Desde 2011, o conxunto atópase no Museo de Pontevedra por depósito da Real Academia Galega. Exhíbese permanentemente nunha das salas dedicadas ao autor no edificio que, co seu nome, é hoxe unha das súas sedes.